المقادير: 4 قطع فيليه دجاج - 2 بصل شرايح - 3 فص ثوم مهروس - قليل من الزنجبيل الطازج مفروم - 1 فلفل اخضر و احمر مفروم ناعم - 3 ملاعق صغيره بهارات كاري - ملعقه ثوم بهارات بودر - 1 ملعقه صغيره كزبره بودر - نص ملعقه صغيره كمون - كوب مرق (فوح) دجاج ( او مكعب ماجي دجاج مذاب بكوب ماء) - 2 ملعقه كبيره معجون طماط - 2 طماط مفروم - نص كوب حليب جوز هند او نص كوب لبن خاثر (حسب الرغبه)
الطريقه:
1- في مقلاه سخني زيت واقلي الدجاج على نار قويه ليما يصير القاع ذهبي اللون وبعدين قلبيها على الجانب الثاني وخليه ليما يصير ذهبي خليها على جنب.
2- حمسي البصل والثوم المهروس والزنجبيل وبعدين ضيفي الفلفل الاخضر والاحمر ليما يذبل
3- ضيفي ملح, فلفل اسود, الثوم البودر, الكزبره البودر, الكمون وكملي الحمسه.
4- ضيفي قطع الدجاج المحمره وقلبيه ليما ياخذ الدياي نكهة البهارات.
5- ضيفي المرق, معجون الطماط و الطماط المفروم وخليه يطبخ شوي.
6- غطي المقله وخليه يطبخ لمدة 10 دقايق على نار هادية.
7- ضيفي حليب جوز الهند (او اللبن الخاثر) وخليه يطبخ ليما تصير عندج صلصه كثيفه.
8- حطيه في طبق التقديم وزينيه بشرائح ليمون.
مرسى